Ryana Avito

O lo’u igoa Ryana Avito, ma ua 42 nei ou tausaga. O lo’o ou galue nei o se faiaoga e le’i resitalaina, ma o le fa’anaunauta’iga o lo’u loto ia ou ausia se isi tulaga e sili atu e ala lea i le faatinoina o galuega e lagolago ai le auaunaga a Fetu-i-Sasa’e Aoga Amata. O se avanoa taua tele e fa’aaoga ai lo’u agava’a fa’atinā e aoao ma fa’afailele ai le ola aoaoina o fanau laiti.
Ou te fiafia lava e mafuta ma faasoa faatasi ma le fanau i taimi o a’oa’oga, ina ia tele nisi metotia fou e mafai ona maua mai ai ile fefaasoaa’iga o mafaufauga o tamaiti ma a latou gaioiga. O se avanoa foi e fa’atupu manatu ma toe afua ai se taeao manuia mo alo ma fanau, aua e talitonu le loto, a lelei ona tapu’e le la’au, e ola lau usiusi ma tupu mafalā, ma o le a fuga mai ai foi ni fua matagofie.