Taupule Tuia

O fanau o meaalofa ia mai le Atua e ao ona tatou tausi ma faapelepele i ai. E tatau ona saunia se siosiomaga lelei e faafailele ai mealofa ia mai i le Atua, ina ia mafanafana o latou lagona ma fiafia, aemaise ia tutupu a’e o ni fanau e alolofa ma ia i ai so latou sao i le lumana’i.
O agatausili o soo se tagata Samoa, o le Alofa, Faaaloalo ma le Ola Tautua, o uiga ia e taua ai le galulue faatasi o fanau ma faiaoga (teacher and child interaction) ina ia maua pea nei agatausili i o latou olaga
E taua tele fo’i ia te a’u le tuuavanoa i fanau i ana filifilga sa’oloto i vaega e fiafia ai aua lona ola a’oa’oina. Ia ou amanaia foi fiafiaga o fanau e ala lea i le tali atu i ni auala e faalautele ai le ola a’oa’oina.
Afai e lelei le va fealoa’i o a’u le faiaoga ma fanau, o le a faigofie i fanau ona maua le ola mafanafana ma sa’oloto o latou lagona i totonu o le siosiomaga o le Aoga.